Pangulong Marcos iniutos ang 24/7 deployment ng BOC, DA teams
MANILA, Philippines — Upang masigurong hindi maantala ang proseso ng shipment sa buong bansa ay iniutos ni Pangulong Ferdinand Marcos Jr. ang round the clock deployment ng teams ng Bureau of Customs (BOC) at Department of Agriculture (DA).
Sa ginanap na pulong ng Private Sector Advisory Council-Infrastructure Sector Group, binigyang-diin ng Pangulo ang importansya ng tuluy-tuloy na shipment process upang hindi maantala ang pagdating ng mas maraming barko sa bansa.
Sinabi ng Pangulo na maglagay ng tatlong shifts upang hindi mapatid ang proseso sa shipment.
“In this business, there’s no afterhours. It can- it’s ready 24/7. So let’s not put an extra team, let’s just keep it running. Whatever you have there in the day, let the same number of people that you have all 24 hours,” saad ng Pangulo.
Sa ginanap na pulong ay inirekomenda ng advisory council sa Pangulo na magkaroon ng 24/7 shifting schedule operations sa lahat ng government services na may kinalaman sa logistics at supply chains.
Sa ganitong paraan ayon sa advisory council ay tuluy-tuloy ang inspection, clearance at payment process na malaking kabawasan sa oras at gastos partikular sa x-ray scanning operations ng reefer vans.
- Latest
