Ginang na ayaw magbayad ng utang, sinapak sa mall

MANILA, Philippines - Sa ospital bumagsak ang biktimang si Rosie Batistis, 30, ng General Tirona St., Bagong Barrio, Caloocan City matapos na sapakin ng isang lalaki sa loob ng isang mall dahil sa hindi pagbayad ng utang naganap kamakalawa ng gabi sa lungsod.

Nasa kustodya na ng pulisya ang suspek na si Philip Abogado, 33, ng Lapu-Lapu St., ng natu­rang lungsod.

Batay sa ulat, dakong  alas-8:00 ng gabi nang makasalubong ng suspek  ang biktima sa loob ng North Mall sa Monumento ng lungsod at siningil ito sa utang.

Hindi nakabayad ang biktima na ikinaasar ng suspek kaya’t kaliwa’t kanang pinagsasapak sa mukha ang ginang at nang mahimatay ay dinala  nito sa naturang ospital