Dallas iniligpit ng Boston sa Game 5
BOSTON — Tuluyan nang tinapos ng Celtics ang Dallas Mavericks sa Game Five matapos kunin ang 106-88 panalo sa NBA Finals para angkinin ang record na ika-18 kampeonato.
Humakot si Jayson Tatum ng 31 points, 8 rebounds at 11 assists habang may 21 points, 8 rebounds at 6 assists si Finals MVP Jaylen Brown para isara ng Boston sa 4-1 ang kanilang best-of-seven title series ng Dallas.
Inungusan ng Celtics ang kanilang karibal na Los Angeles Lakers sa paramihan ng titulo.
“I mean, this is going to be a night that I will remember for the rest of my life, from the game, the celebration, these moments,” sabi ni Tatum.
“Over the last couple years, we had some tough losses at home in the playoffs. We’ve lost the NBA championship at home in front of our fans. We had a chance to beat Miami in Game 6 a few years ago and lost that one,” dagdag nito.
Nauna nang nabigo ang Celtics na makumpleto ang 4-0 sweep sa Mavericks nang matalo sa Game Four sa Dallas court.
Para tiyakin ang kanilang panalo ay pinaglaro ng Boston si 7-foot-2 center Kristaps Porzingis na wala sa aksyon sa Games Three at Four dahil sa left leg injury na nalasap niya sa Game Two.
Sa kanyang pagbabalik sa court ay tumapos si Porzingis na may limang puntos sa loob ng 16 minuto, ngunit nakatulong kay veteran center Al Horford.
Humakot si Luka Doncic ng 28 points, 12 rebounds at 5 assists para pangunahan ang Mavs.
“We said, ‘We’ll fight together next season, and we just going to believe,” ani Doncic na naglaro sa kanyang unang NBA Finals.
Nagtala naman si Kyrie Irving ng 15 points mula sa malamyang 5-of-16 field goal shooting.
“So, I see an opportunity for us to really build our future in a positive manner where this is almost like a regular thing for us, and we’re competing for championships,’ sabi ni Irving.
- Latest
