McGregor pinigil si Cerrone sa loob lamang ng 40 segundo

LAS VEGAS, Nevada — Sa kanyang pagba­balik sa Octagon ay nag­tala si dating two-di­vision champion Conor Mc­Gregor ng impresibong panalo.

Pinabagsak si McGre­gor si Donald Cerrone sa unang 40 segundo sa first round sa kanilang upa­kan sa UFC 246 kahapon.

Ito ang unang laban ni McGregor matapos ma­talo sa kanyang lightweight title bout kay Kha­bib Nurmagomedov 15 buwan na ang nakaka­raan.

Ito rin ang unang pa­nalo ni McGregor matapos noong Nobyembre ng 2016 sa Madison Square Garden kung saan ni­ya tinalo si Eddie Alva­rez para makopo ang UFC lightweight title at maging kauna-unahang si­multaneous two-weight champion.

“I feel really good, but I came out of here un­scathed. I’m in shape. We’ve got work to do to get back to where I was,” sabi ng 31-anyos na Irishman sa kanyang post-fight interview.

Kaagad pinadugo ni Mc­Gregor ang mukha ni ‘Cowboy’ Cerrone sa pa­mamagitan ng kanyang ma­tutulis na balikat.

At nang kumawala si McGregor sa kanilang pag­kakabigkis ay kumo­nekta siya ng isang head kick na nagpauga sa Ame­rican warrior.

Pinagsusun­tok ni Mc­Gregor si Cerrone na nag­tulak kay referee Herb Dean na ihin­to ang laban.

Nagsil­bi si McGregor ng six-month suspension at pi­nagmulta ng $50,000 sa gulong nangyari matapos ang laban nila ni Nurmagomedov.

Idinemanda si McGre­gor dahil sa panununtok sa isang lalaki na tumangging tanggapin ang kanyang ‘shot’ ng whiskey sa isang Dublin pub.