Nagwaging konsehal dedo sa pamamaril  

COTABATO CITY, Philippines — Dead-on-the-spot ang isang nanalong konsehal sa nakalipas na midterm election nang ito ay pagbababarilin ng mga suspek sa tapat ng kanyang bahay sa Datu Piang, Ma­guindanao del Sur, nitong hapon ng Miyerkules.

Kinumpirma ng Maguindanao del Sur Provincial Police Office at ng Police Regional Office-Bangsamoro Autonomous Region in Muslim Mindanao ang pagkasawi ng biktimang si Thong Mamasalanao Asim, 56-anyos na muling nahalal na municipal councilor ng Datu Piang.

Nang masigurong napatay ang biktima ay mabilis na nakatakas ang mga suspek.

Patuloy ang imbestigasyon ng pulisya kung may kaugnayan sa pulitika ang nangyaring krimen.