Trike driver timbog sa 2-kilong marijuana
CAVITE, Philippines — Arestado ang isang trycicle driver matapos makumpsikahan ng may 2,000 gramo o 2-kilong marijuana sa ikinasang buy-bust operation ng pulisya kamakalawa ng gabi sa Brgy. Panapaan 1, Bacoor City.
Kinilala ang suspek sa alyas na “Niño” , 33-anyos, residente ng Aguinaldo Hi-Way, Brgy. Talaba 4, Bacoor City, Cavite, at nasa high value individual (HVI) list ng pulisya at Philippine Drug Enforcement Agency (PDEA).
Sa ulat ng PDEA-Cavite, alas-11:50 ng gabi ng ilatag nila ang isang buy-bust operatoon laban sa suspek sa Brgy. Panapaan 1, Bacoor, City.
Nang magkaabutan ng marked money at biniling marijuana, agad na inaresto ang suspek.
Narekober sa suspek ang 4-piraso ng vacuum sealed transparent plastic na naglalaman ng mga dried leaves at stem ng marijuana fruiting tops na aabot sa timbang na mahigit sa 2,000 gramo o 2 kilo na may halagang P240,000.
- Latest
