Lalaki tepok sa sunog sa Batangas
BATANGAS , Philippines – Isang 56-anyos na lalaki ang nasawi matapos sumiklab ang sunog sa isang bahay sa Barangay Cupang, Bauan, lalawigang ito, Sabado ng umaga.
Kinilala ang nasawi na si Edison Magnaye, residente ng nasabing barangay.
Ayon sa imbestigasyon, nilamon ng napakalaking apoy ang dalawang palapag na bahay na pagmamay-ari ng isang alyas “Mariafe”, 59 na taong gulang.
Bandang alas-9:50 ng umaga nang magsimula ang sunog sa ikalawang palapag ng bahay pero hindi pa matukoy ang dahilan nito.
Sinubukan pa umanong isalba ng biktima ang ilang mga gamit pero nahirapan siyang huminga dahil sa kapal ng usok sa loob ng buong kabahayan. Itinakbo pa siya sa Bauan Doctors General Hospital pero idineklarang dead-on-arrival ni Dr. Nathaniel Wong dahil umano sa atake sa puso.
Patuloy pa rin ang imbestigasyon sa nangyaring sunog.
- Latest
