2 nag-igib ng tubig sa poso niratrat: 1 todas!

CAVITE, Philippines — Patay ang isang construction worker habang kritikal ang isa pa makaraang pagbabarilin ng isang residenteng sumita sa mga ito ng mag-igib ng tubig ang mga biktima sa water pump sa Brgy. San Rafael 4. Noveleta, Cavite.

Dead-on-the-spot ang isang biktima na kinilalang si John Filipinas, 41-anyos, residente ng Cavite City habang inoobserbahan sa pagamutan ang kasamahan nito na si Crispin Delos Santos, 35 , residente rin sa nasabi ring lugar.

Tumakas naman ang suspek na kinilala lang sa alyas na “Tomasito”, ng Brgy. San Rafael 3, Noveleta, Cavite.

Sa ulat ng pulisya, alas-10:50 ng gabi habang nag-iigib ng tubig ang mga biktima sa water pump sa nasabing lugar nang sila ay sitahin ng suspek.

Pinagbawalan ang dalawa na kumuha ng tubig sa nasabing poso sanhi ng kanilang sagutan at mainitang pagtatalo.

Bunsod nito, bumalik na lang sa kanilang barraks ang mga biktima subalit sinundan silang suspek at sunud-sunod na pinagbabaril.

Matapos ay mabilis na tumakas ang suspek tangay ang ginamit na armas na pinaghahanap pa rin ng pulisya.