Lalaki sa car wash, tepok sa kuryente
CAVITE, Philippines — Patay ang isang lalaki matapos makuryente habanggumagawa ng water hose sa isang car wash shop, kamakalawa ng hapon sa Brgy Langkaan 2 Dasmariñas City.
Hindi na umabot nang buhay sa pagamutan ang biktima na kinilalang si Argie Bonifacio, nasa hustong gulang, residente ng Dasmariñas City, Cavite.
Sa ulat ng pulisya, alas-4:27 ng hapon, habang nag-aayos ang biktima ng water hose sa General Carwash Shop nang mapahawak siya sa open live wire dahilan upang makuryente.
Ayon sa nakasaksi, nakarinig pa umano siya ng malakas na sigaw at nakita ang biktima na nangingisay na.
Agad naman umanong naibaba ang main switch ng kuryente at itinakbo sa pagamutan ang biktima subalit hindi na naisalba pa ang kanyang buhay ng mga sumuring doktor.
- Latest
