Obrero pinabulagta ng tandem
LAGONOY, Camarines Sur, Philippines — Bulagta ang isang construction worker sa labas ng kanilang bahay matapos pagbabarilin ng dalawang hindi nakilalang armado sa Sitio Malabod, Brgy. Del Carmen, Lagonoy, Camarines Sur kamakalawa ng gabi.
Napuruhan ng punglo sa iba’t ibang bahagi ng katawan at agad nasawi ang biktimang si Livy Delos Santos Caganda, 38-anyos, may-asawa, residente ng naturang lugar.
Sa ulat, dakong alas-8 ng gabi habang nasa loob ng kanilang bahay ang biktima at asawa nito nang tawagin ng dalawang hindi nakilalang lalaki sa likurang bahagi ng kanilang bahay.
Gayunman, paglabas ng biktima ay biglang bumunot ng hindi malamang kalibre ng baril ang mga suspek at sa hindi malamang dahilan ay walang kaabug-abog na pinagbabaril ito na duguang humandusay.
- Latest
