Cessna plane sumadsad sa Isabela, 10 sakay ligtas

SANTIAGO CITY, Isabela, Philippines — Ligtas ang pasahero ng isang eroplano matapos sumadsad sa paliparan sa bayan ng Maconacon sa lalawigang ito, ayon sa ulat kamakalawa.

Batay sa report ng Maconacon Police sa Isabela Police Provincial Office (IPPO), nag-collapse ang kanang landing gear ng Cessna 402 plane, na may tail No. 38825, sa runway ng paliparan na naging dahilan para ito ay sumadsad dakong alas-2:00 ng hapon.

Inihayag naman na ligtas ang walong pasahero maging ang dalawang piloto matapos ang insidente.

Maliban sa PNP, nagsasagawa rin ng hiwalay na imbestigasyon ang Civil Aviation Authority of the Philippines (CAAP) sa pagsadsad ng Cessna plane.