CAVITE , Philippines -- Napatay ang 32-anyos na bagitong pulis makaraang tambangan ng di-kilalang lalaki sa kahabaan ng highway sa Barangay Maguyam, bayan ng Silang, Cavite kamakalawa ng gabi. Napuruhan sa ulo ang biktimang si PO1 Hasim Farinas ng Blk 4, Lot 3, Phase 1, Mabuhay City, Brgy Mamatid sa bayan ng Cabuyao, Laguna, at nakatalaga sa Silang PNP. Base sa police report, papauwi na ang biktima lulan ng motorsiklo nang tambangan pagsapit sa madilim na bahagi ng nabanggit na barangay.