Pacers tatapusin na ng Thunder
INDIANA-POLIS — Kahit gaano man kahirap ay pipilitin ni NBA MVP Shai Gilgeous-Alexander na huwag isipin kung ano ang makakamit ng Oklahoma City Thunder sa Game 6 ng NBA Finals.
Tangan ang 3-2 lead sa kanilang best-of-seven championship series, isang panalo na lang ang kailangan ng Thunder para sibakin ang Indiana Pacers at angkinin ang korona.
“The cusp of winning is not winning,” wika ni Gilgeous-Alexander. “The way I see it, winning is all that matters. It hasn’t been fulfilled. We haven’t done anything.”
Inangkin ng OKC ang 120-109 panalo sa Indiana sa Game 5 para sa kanilang unang back-to-back wins sa NBA Finals.
“That’s how we try to approach a game, how we try to approach the playoff series, how we try to approach every single day and let that win the day,” ani coach Mark Daigneault.
Samantala, malalaman pa lang ngayon kung maglalaro si Pacers star guard Tyrese Haliburton na lumala ang strained right calf sa kanilang kabiguan sa Thunder sa Game 5.
Ngunit pipilitin ni Haliburton na sumabak sa aksyon sa kabila ng kanyang injury.
“I have to understand the risks, ask the right questions,” ani Haliburton. “But I’m a competitor. I want to play. I’m going to do everything in my power to play.”
Para makabawi ay kailangan ng Indiana na limitahan ang kanilang turnovers at ang offensive rebounding ng Oklahoma City.
“What we need to do is buckle down. Stand strong. I anticipate one of the best crowds in the history of Gainbridge Fieldhouse,” ani Pacers coach Rick Carlisle. “We’ve got to find a way. The ultimate is to get to a Game 7. That is the ultimate privilege. It’s the ultimate experience in sports. But we’ve got to take care of home court tomorrow to do that.”
Kung makakatabla ang Indiana ay ibabalik ang Game 7 sa Oklahoma City.
- Latest
