AVC Champions League tagumpay — Suzara
MANILA, Philippines — Nakahinga ng maluwag si Asian Volleyball Confederation at Philippine National Volleyball Federation president Ramon ‘Tats’ Suzara sa matagumpay na pagdaos kamakailan ng 1st AVC Women’s Volleyball Champions League 2025 dito sa Pilipinas.
Ito’y dahil sa malaking tulong ng Sports Vision na pinamumunuan ni Ricky Palou.
Biglang umatras kasi ang Korea at Vietnam kaya naman to the rescue ang Premier Volleyball League (PVL) na hinangaan ng top officials mula sa AVC dahil sa maayos na pag maniobra ng Asian Club Championship para sa Men at Women.
“At first, it was supposed to be Korea, then Vietnam. But after some challenges, we talked to Ricky Palou and Don Caringal, and agreed there was no other choice but to host it here,” ani Suzara.
Ayon kay Palou malaking bagay sa tagumpay nila ang pagkakaisa ng mga teams, kaya maayos na natapos ang liga na sinalihan ng 12 top clubs mula sa 10 magkakaibang bansa.
Nagkampeon sa eight-day tourney ang Zhetysu VC ng Kazakhstan.
- Latest
