P15 milyong house and lot pa-bertdey kay Yulo
MANILA, Philippines — Ang isang 500-square meter, two-storey home sa Tagaytay City ang pinakabagong regalo na natanggap ni Paris Olympics double-gold medalist Carlos Edriel Yulo.
“I’m very grateful and feeling blessed to receive this house-and-lot and I’m on thankful how the POC helped us in our Olympic preparations in Paris,” wika ni Yulo sa house blessing na pinamunuan ni Fr. Eugenio Lopez sa Prime Peak Town House subdivision sa Barangay Silang Crossing West.
Ang house-and-lot—ayon kay POC secretary-general Atty. Wharton Chan ay nagkakahalaga ng P15 milyon—ay isang belated birthday gift mula kay Philippine Olympic Committee (POC) president Abraham “Bambol” Tolentino, Tagaytay City at POC para kay Yulo na nagdiwang ng ika-25 kaarawan noong Pebrero 16.
Bukod kay Yulo, kinuha ang ginto sa men’s floor exercise at vault gold sa Paris Olympics, binigyan din ni Tolentino ng house and lot sina Paris bronze medalists Nesthy Petecio at Aira Villegas sa parehong village.
“They deserve these homes, they’re not only our Olympic heroes, all of them are national treasures,” sabi ni Tolentino na Mayor din ng Tagaytay City.
Ang two-storey home ni Villegas sa isang 200-meter lot ay kagaya ng ibinigay kay Petecio na nauna nang pinagkalooban ng house and lot katulad nina Tokyo Olympics medalists Hidilyn Diaz Naranjo, Carlo Paalam at Eumir Felix Marcial—sa Barangay San Jose para sa pagsuntok sa silver medal sa Tokyo 2020 Games.
May sarili namang bahay ang weightlifter na si Diaz-Naranjo sa Tagaytay City sa Isabel Heights sa Barangay Kaybagal Central mula rin kay Tolentino para sa pagbuhat sa kauna-unahang Olympic gold medal ng bansa sa Tokyo Games.
- Latest
