Philippines curling team lalaban sa medalya

MANILA, Philippines — Umabante ang Philippine men’s curling team sa medal round matapos ang 10-4 panalo sa World No. 10 Japan sa qualification round ng 9th Asian Winter Games kahapon sa Harbin, China.

Inangkin nina Filipino-Swiss Marc at Enrico Pfister, Alan Frei at Christian Haller ang huling anim na pun­tos para sa pagdaig ng World No. 51 seed sa Ja­panese team.

Kasalukuyang nilalaba­nan ng tropa ni Curling Pi­lipinas president Benjo De­larmente ang No. 17 Chi­na sa semifinals habang isinusulat ito kagabi pa­ra sa tsansa sa gold me­dal round.

Nakapasok ang natio­nal squad sa qualification round matapos magtala ng 3-1 record sa round robin Group A.

Ito ang ikalawang pagkakataon na tatarget ng me­­dalya ang mga Pinoy sa Asian Winter Games ma­­tapos mabigo ang cur­ling team mixed doubles team nina Marc Pfister at Kathleen Dubberstein sa bronze medal nang yumukod sa China, 5-6.

Tinalo naman ng No. 36 Hong Kong ang No. 35 Kazakhstan, 8-5, para harapin ang No. 7 South Ko­rea sa isa pang semis game.