MANILA, Philippines — Naging matagumpay ang paglahok ng Philippine Youth Dreamers (PYD) team ni organization founder at coach Beaujing Acot sa nakaraang Asia Pacific Youth basketball tournament na ginanap sa Taiwan kamakailan.
Ayon kay Acot, nagawa na nila ang kanilang main purpose ng koponan na hubugin ang character building at pagbibigay ng all-out performance sa bawat laro na sinasalihan bilang bahagi ng kanilang patuloy na international exposure.
Nagpasalamat din siya sa tulong at suporta ng kanilang mga backers na Samahang Basketbol ng Pilipinas, Philippine Charity Sweepstakes Office, Converge ICT Solutions at JH Athletics Sports Apparels.
Susunod na paghahandaan ng koponan ang Vietnam Basketball Tournament Under 12 Division na idaraos sa Ho Chi Minh, Vietnam sa Disyembre 14 hanggang 16.