Eala sinibak ang Dutch netter sa Vitoria-Gasteiz

MANILA, Philippines — Dinuplika ni tennis sensation Alex Eala ang kanyang panalo sa doubles event matapos walisin si Dutch bet Lian Tran sa Round of 32 ng singles W100 Vitoria-Gasteiz sa Spain kahapon.

Bitbit ang career-best ranking sa WTA, muling nasilayan ang tikas ni Eala singles nang hatawin ang 6-4, 6-2 panalo kay Tran at makakuha ng spot sa Round of 16.

Papalo rin ang 19-an­yos na si Eala para sa quarterfinals sa doubles.

Halos umabot din sa 70 minuto bago pinagpag ni Eala ang kalaban.

Nalusaw ang 5-2 lead ni Eala kung saan nagtala pa ito ng double faults, pero naging matatag ito para maitakas ang panalo.

Sunod na haharapin ni Eala si home bet Lucia Cortez Llorca sa Round of 16 sa Huwebes ng gabi (Manila time).

Naka-iskedyul din humataw si Eala sa doubles, ka-tandem ang French netter na si Estelle Cascino, katapat sina Laura Mair at Victoria Bervid sa quarters.

Samantala, naka-abang naman sa laban ang mga taga­hangang Pinoy ni Eala para suportahan ito.