Rogers ipaparada ng San Miguel vs Slingers
MANILA, Philippines - Hinugot ng San Miguel Beermen si Matt Rogers para tulungan ang koponan sa laro kontra sa Singapore Slingers sa 4th ASEAN Basketball League (ABL) ngayong hapon sa Singapore Indoor Stadium.
Galing si Rogers sa panandaliang paglalaro sa San Mig Coffee at nagtala ng 20 puntos, 9 rebounds, 2 blocks at 1 assist sa natatanging laro sa PBA laban sa Petron Blaze na nanalo sa laban, 98-73.
Pero ipinagpasalamat naman ni Beermen coach Leo Austria ang pagiging bakante ni Rogers dahil kung hindi ay naglaro sila taglay lamang si Gabe Freeman bilang kanilang import dahil pinagpapaÂhinga ng dalawang linggo si Brian Williams bunga ng kanyang knee injury.
“It’s a good thing that there is a quality import like Matt Rogers who is ready to suit up on short notice,†wika ni Austria.
May 3-3 karta ang Beermen na natalo sa huÂling laban sa kamay ng Westports Malaysia DraÂgons, 76-82.
Nananalig si Austria na hindi mangangapa si Rogers habang patuloy na makikitaan ng husay si Freeman lalo pa’t mataas ang morale ng Slingers na haharap sa larong itinakda sa ganap na alas-4 ng haÂpon.
Nanalo ang Slingers sa Saigon Heat, 76-72, noong Biyernes na ginawa sa lugar ng huli.
Si Rashad Jones-Jennings na gumawa ng 29 puntos at 19 rebounds ang tatrangko sa Slingers upang maiangat ang kasalukuyang 4-3 karta.
- Latest
