Rancho Bernardo: Pahingang sulit for the whole family!

Ramdam n'yo ba ang pagod at pagkangarag? Sunud-sunod ang mga ganap mula sa pagpanaw ni Pope Francis noong Abril hanggang sa pag-upo ni Pope Leo XVI, at ang makasaysayang halalan nitong Mayo. Nasa serbisyo publiko man kayo, taga-media, o simpleng mamamayang mulat sa mga isyu, hindi biro ang tagal at tindi ng pagsubaybay sa mga pangyayaring ito.

Sa gitna ng pang-araw-araw na hamon ng trabaho, magandang tandaang may katuturan din ang pahinga. Kailangan nating huminto paminsan-minsan — hindi lang para makabawi ng lakas kundi para malinawan tayo sa mga bagay na talagang mahalaga.

Para sa ating mga KasamBuhay, ang pahinga ay panunumbalik sa pamilya. Bilang asawa at inang may tatlong dalagita, mahalaga sa akin na makapasyal kami nang sama-sama. Higit sa materyal na bagay, malaking puhunan ito dahil sa mga alaalang sabay naming nabubuo.

Number one dapat ang pagiging present sa ganitong mga sandali. Kaya naman, matapos ang hectic na schedule, nag-weekend getaway kaming pamilya sa Rancho Bernardo Villas & Resorts sa Bagac, Bataan.

Ang Rancho Bernardo ay dinisenong maging isang marangyang pahingahan—kung saan bawat sandali ay sulit at hindi malilimutan.

Mas mahalaga ang oras para sa pamilya

Quality time ang isa sa mga pinakamagandang regalo ng mga magulang sa kanilang anak. Nabibigyan kasi ng pagkakataon ang mga batang makahinga: Walang pressure sa eskwela, walang gadgets, walang istorbo. Malaya silang makapiling ng kanilang mahal sa buhay, at sa isang magandang lugar pa!

Ayon sa isang pag-aaral noong 2013, ang naaalala ng mahigit sa 60% ng mga adult ay ang family vacation noong bata pa sila. Bukod sa lugar, dahil ito sa malalim na panahon para mag-bonding  ang magkakapamilya.

Hindi kailangang magastos ang family vacation. Ang importante, tumitibay ang samahan ng mag-anak sa tulong ng pagpapahinga mula sa pang-araw-araw na routine.

Makabuluhan ang aming pagbisita sa Rancho Bernardo. Hindi lang ito bakasyon o break mula sa pag-aaral at paghahanapbuhay. Paglalaan din ito ng panahon para sa mga mahal sa buhay na siyang dahilan ng ating pagsisikap.

Disenyong world-class na may pusong Pinoy

Tahimik at presko sa Rancho Bernardo. Nagtatagpo ang natural na ganda ng tanawin ng Pilipinas at ang European na estilo ng mga istruktura.  Kaya aakalainin ninyong nasa Italy kayo o France. Detalyado kasi ang disenyo -- mula sa arched Roman bath hanggang sa replika ng Trevi Fountain. May eleganteng events place pa:  ang Chateau de Gabrielle.

Kahit hango ang pangalan ng lugar sa Ranho Bernardo Inn sa San Diego, California, may pusong Pilipino pa rin ang Rancho Bernardo sa Bataan. Makakapagpahinga kayo rito at makapagninilay. 

Ang mga villa ay pinuno ng detalyado at ginawang-kamay na mga kahoy na disenyo — mula sahig hanggang kisame—na likha ng mga lokal na artisan mula sa Bataan.

Maluwag ang aming villa.  Komportable ang kama. May minibar rin. Para naman sa mga techie riyan, tulad ng tatlo kong teenager, may smart features ang kwarto na pwedeng paganahin sa tulong ng virtual assistant na si Alexa.

May Grand Villa at Royal Villa rin ang Rancho Bernardo. Makakapag-private jacuzzi kayo rito — perfect sa mga mag-partner. Garden plunge pool naman ang makikita sa Trianon Villas. Kung matagal-tagal naman ang inyong bakasyon, para sa inyo ang Marchioness Villas. Kanya-kanya ang ganda ng bawat villa para sa inyong trip na gawin.

Kung nais n'yo namang magbabad, mag-warm soaking na sa Roman bath. Kung gusto n'yo namang maglakad, naghihintay sa inyo ang Zen Garden at view deck. Dito masarap magsulat sa journal.

Makakapag-enjoy naman ang mga chikiting sa buggy tours, open spaces, at family-friendly na sports areas.

Pinakanamangha ako sa balanced vibes ng Rancho Bernardo.  Pwede kayong tumambay lang at matulog kung tinatamad ka, puwede ka ring gumala at mag-adventure. Makakapili kayo kung paano kayo magpapahinga.

Kamangha-manghang mosaic-style na mga obra (tulad ng nasa larawan) ang sasalubong sa mga bisita ng Rancho Bernardo. Kasama ng may akda si Nonong Velasco (asawa ng may-akda), Rancho Bernardo Luxury Villas General Manager Edmund Valencia (gitna), at ang may akda.

Lugar na babalik-balikan

Dinarayo rin ang Rancho Bernardo para sa mga espesyal na okasyon. Ginagamit ang Chateau de Gabrielle para sa mga kasalan at kaarawan. Ang resort naman, pang-reunion, retreat, at anniversary. 

(Kaliwa): Ang mga Bali-inspired na pa-bilog na villa ay itinayo sa ibabaw ng koi pond. May pribadong jacuzzi rin sa harap ng villa. (Kanan): Napakaganda ng golden hour sa Rancho Bernardo — kung saan bawat paglubog ng araw ay nagpipinta ng langit at mga alaalang kahanga-hanga ang ganda.

Kapag sinabing "pusong Pinoy," nakikita ito sa pagiging maalaga ng staff. Parang matagal na nila kayong kakilala, kaya de-kalidad ang kanilang serbisyo.

Hindi tuloy nakapagtataka kung bakit patok ang Rancho Bernardo sa kahit kanino — young couples, retirees, solo travelers, at malalaking pamilyang tulad namin.

Paalala ang aming weekend trip na hindi kailangang magpakalayo-layo para makapagpahinga. Minsan, sapat na ang isang tahimik na sandaling malapit sa kalikasan, sa sarili, at sa mga mahal sa buhay.

Madalas pinag-uusapan ang kahalagahan ng sipag at tiyaga. Pero kasinghalaga rin nito ang paghinto at pagpapahinga. May saysay ang paglaan ng oras para magsaya, magnilay, at magmahalan.

At para sa mga pamilyang tulad namin, paalala itong kahit isang weekend lang ay kayang magpatibay ng aming samahan.

Ang nakaka-relaks na pool area na may mga lounge pa at poolside bar.

Sa huli, iyon ang maaalala natin — hindi ang bonggang amenities o mahabang itinerary, kundi ang tawanan sa almusal, ang pag-abang sa palubog na araw, at ang katahimikan pagkatapos ng isang mahabang ganap.

Kaya, kung naghahanap kayo ng lugar para mag-reset, lalo na kung kasama ang pamilya — ako na mismo ang magsasabi: Sulit ang Rancho Bernardo!

----

Sundan ang aking social media accounts JingCastaneda:  Instagram, Facebook, YouTube, Tiktok, at  X. Ibahagi ang inyong kwento o mag-suggest ng topic sa [email protected].