Alagaan ang ngipin ng mga bata
ANG mga bata ay nagkakaroon ng 20 ngipin pagdating ng apat na taong gulang at 32 ngipin pagsapit ng 20 taong gulang.
Tatlo sa apat na bata ay hindi pantay-pantay ang ngipin. May ngipin na sungki, nasa labas ng gilagid at hindi kaaya-ayang tingnan. Sa edad limang taon ay makikita na itong problema sa ngipin.
Narito ang mga posibleng dahilan at ilang tips para maiwasan ang pagkasira ng ngipin.
1. May taong hindi pantay ang laki ng itaas na panga kumpara sa ibaba na panga. Dahil dito, nagsusungki ang mga ngipin.
2. Ang mga batang mahilig dumede o magsubo ng daliri at maglaro ng kanilang dila ay puwedeng maapektuhan ang ngipin.
3. Ang pagkakaroon ng sirang ngipin at impeksiyon sa gilagid ay puwedeng makatabingi sa pagtubo ng ngipin. Dahil sa tabinging ngipin maraming teenager ay nagiging self-conscious at nawawalan ng kumpiyansa sa sarili. Kahit ang mukha at pananalita ay puwedeng maapektuhan.
4. Nararapat magpatingin sa dentista ang mga bata. Ipapa-x-ray ang ngipin at magrerekomenda ng braces o retainer. May pagkakataon na inooperahan para ayusin ang mga ngipin.
5. Laging magsipilyo ng ngipin para maiwasan ang pagkasira ng mga ito.
- Latest
