Maj. Cunanan ng CIDG, pride ng PNP!
Dahil sa kanyang aktibong pakikibaka vs kriminalidad, hindi na nakapagtataka na mapili si Maj. Mae Ann Cunanan bilang representante ng Pinas sa International Visitor Leadership Program sa United States.
Si Cunanan, na naka-assign sa Criminal Investigation and Detection Group ay malaking papel na ginampanan para supilin, hindi lang ang POGO operations, kundi kung anu-ano pang krimen, tulad ng pag-aresto ng Chinese spy sa Makati City.
Kilala rin si Cunanan, sa kanyang adbokasiya para protektahan ang mga mahinang komunidad at sa malakasang o kahusayang pagpatupad ng batas. Bilang kinatawan ng Pinas sa IVLP ng US Department of State, si Cunanan ay mag-aaral at mag-explore ng kakaibang pamamaraan o estrahiya para labanan ang human trafficking sa Washington DC, Detroit at San Francisco. Eh di wow!
Ang US State Department mga kosa ay nag-iimbita ng mga piling law enforcement professionals, policymakets, at advocates, sa buong mundo upang magbalitaktakan at mag-share ng best practices upang labanan ang lumalalang problema ng human trafficking. Ngayong taon, ang thematic focus ng diskusyon ay ang “Combatting Human Trafficking.”
“This opportunity will allow me to gain valuable insights from international experts and fellow participants, and help further our initiatives to prevent human trafficking, protect victims, and prosecute offenders,” ani Cunanan, ang chief ng Operations Center ng CIDG National Capital Region. Ayosss!
Inamin naman ni Cunanan na ang kanyang partisipasyon sa malaking okasyon ay hindi lamang kanyang personal achievement kundi itataas nito ang kapabilidad ng kasalukuyang kampanya ng PNP laban sa trafficking in persons.
“I am honored to represent our country and bring back knowledge that can contribute to our national and regional anti-trafficking efforts,” sabi ni Cunanan.
Ang ibig sabihin ni Cunanan, ipalalaganap din niya sa PNP ang lahat ng kanyang matutunan sa naturang imbitasyon ng US State Department. Hehehe! Kailangan pa bang i-memorize ‘yan?
Ang IVLP program mga kosa ay kasama ang mga meeting o pagpakihalubilo sa mga US government officials, NGOs, at inisyatibo ng komunidad sa iba’t ibang siyudad o states ng Amerika, upang magkaroon ng plataporma sa pag-uugnay at patutulungan ng mga bansa upang buuin at bigyan lunas ang pagsubok o balakid sa isyu ng human rights. Anong sey n’yo mga kosa?
“Being chosen for the IVLP is both a personal honor and a national duty. I carry the stories of every trafficking survivor and the mission of every Filipino law enforcer committed to ending this crime. This is not just a program-it is a global to action,” ani Cunanan. Hehehe! Ambot sa kanding nga may bangs!
Sa kanyang biyahe sa U.S., bitbit ni Cunanan, na miyembro ng PNPA Class 2012, hindi lang ang kanyang mga awards at experience, kundi maging ang “unwavering spirit of the Filipino in the fight for justice, human dignity and global cooperation.”
“(My) journey from the frontlines of law enforcement to the halls of international leadership is a powerful testament to what courage, integrity and service can achieve,” ani Cunanan.
Abangan!
- Latest
