Kailangan sa Japan: Pinoy kangoshi at kaigofukushishi

Sa salitang Hapones, ang ‘Kangoshi’ ay nurse habang ang ‘kaigofukushishi’ ay caregiver sa wikang Ingles.

Kung isa kang nurse o caregiver o merong kaugnayan dito ang iyong pinag-aralan o kasanayan at gusto mong makipagsapalaran sa ibang bansa, maaaring subukan ang Japan.  

Kailangan nga-yon ng mga Hapones ng bagong mga Pilipinong Kangoshi at kaigofukushishi. 

Ipinahayag kamakailan ng embassy ng Japan na ang Department of Migrant Workers sa pakikipagtulungan ng  Japan International Corporation of Welfare Services (JICWELS) ay tumatanggap ngayon ng mga aplikasyon para sa 50 rehistradong nurses at 300 certified care workers. Isinagawa ang oportunidad na ito sa ilalim ng Japan-Philippines Economic Partnership Agreement (JPEPA).

Sino mang Pilipinong interesadong magtrabaho bilang kangoshi at kaigofukushishi sa Japan ay meron pang hanggang Abril 4, 2025 para magsumite ng kanilang application sa central office ng DMW sa Migrant Workers Registry Division, Ground Floor, DMW Blas F. Ople Bldg., (formerly POEA Bldg.) Ortigas Avenue corner EDSA, Mandaluyong City o sa mga regional office ng DMW. 

Para sa mga aplikante sa mga lugar sa Pilipinas na napakalayo sa central office nito sa Metro Manila, maaa-ring tignan ang DMW directory sa website nito para makita ang office address at ibang contact details nito sa kinaroroonan nilang rehiyon.

Sa mga mag-aaplay bilang nurse, kabilang sa mga kailangang kuwalipikasyon ang: Graduate of Bachelor of Science in Nursing with active Professional Regulation Commission (PRC) license; at minimum of three (3) years hospital, clinic or health center work experience. 

Merong motibasyon at hangaring magtrabaho at mag-aral bilang kandidato sa pagka-‘kangoshi’ para makakuha ng national license sa Japan. 

Sa mga papasok sa trabahong caregiver o care worker, kailangan graduate ng Bachelor of Science in Nursing (with or without PRC license);  graduate ng four (4) year course pero kailangang magsumite ng TESDA National Certificate II in Caregiving (NC II); Motibasyon at hangaring magtrabaho at mag-aral para maging kandidato sa pagka-“kaigofukushishi para makakuha ng national license sa Japan. 

Ayon sa embahada, lahat ng matatanggap na kandidato o aplikante ay sasailalim sa anim na buwang Japanese language training sa Pilipinas at anim na buwan pa sa Japan bago magsimula sa kanilang tatlo o apat na taong pagtatrabaho sa mga ospital at caregiving facilities sa Japan.

Libre ang Japanese Language Training at ang mga mag-aaral dito ay bibigyan ng daily living allowance para sa buong panahon ng pagsasanay.

“Hinihikayat ang mga kandidato na kumuha ng Japanese license para sa Kangoshi at Kaigofukushishi nang sa gayon ay makapagtrabaho sila nang mas matagal sa Japan,” sabi ng embahada sa Ingles.

Ang mga kuwalipikadong aplikante ay da-pat magparehistro sa website ng DMW sa internet na https://dmw.gov.ph/ o sa  <http://onlineservices.dmw.gov.ph/OnlineServices/DMWOnline.aspx> at personal na magsu-mite ng mga kailangang dokumento sa Migrant Workers Registry Division office ng DMW. Maaari ring bisitahin sa internet para sa dagdag na impormasyon ang  <https://dmw.gov.ph/resources/dsms/DMW/Externals/2025/RSF-250003-2025.pdf>.

Ayon pa sa embahada ng Japan, puwede nang hindi sumailalim sa Japanese Language Proficiency Training sa Pilipinas ang mga aplikante na nakakuha na ng JLPT Certificate (N3 o N4) pagkaraan ng Abril 2023.  

Hindi na rin kailangang sumailalim sa JLPT sa Pilipinas at sa Japan ang mga kandidato na meron nang Japanese Language Proficiency Training Certificate (JLPT N2) o iyong mga nakapag-aral sa ng wikang Hapones sa loob ng 12 buwan sa alin mang Japanese Language Training Institution na itinalaga ng Ministry of Justice ng Japan. 

Ilan din sa mga dokumentong dapat isimute ng mga aplikante ang detalyadong resume kalakip ng isang 2x2 recent picture; malinaw na photocopies ng Transcript of Records; College Diploma (4-YEAR COURSE DEGREE); Updated Certificate of Employment, if applicable; Japanese Language Training Certificate, if available; Valid TESDA NCII Certificate in Caregiving (if not BS Nursing Graduate); Valid Passport;  Valid NBI Clearance (multi-purpose); PEOS Certificate (log on to https://peos.dmw.gov.ph/ ); at Printed copy ng Workers Information Sheet/E-Registration (log-in at <http://onlineservices.dmw.gov.ph/OnlineServices/DMWOnline.aspx>).   

Ang passport ng mapipiling mga kandidato ay dapat balido pa ng anim na buwan mula sa petsa ng takdang pag-alis sa Pilipinas. 

Kailangan ding isumite ng mga aplikante ang kanilang original documents para sa beripikasyon ng mga ito bago isumite ang resume sa employer.

* * * * * * * * * *  

Email – [email protected]