Mag-ina na magkaangkas sa motorsiklo, todas sa truck
MANILA, Philippines — Dead-on-the-spot ang isang 15-anyos na lalaki at kaniyang ina nang mabundol ng truck at masagasaan, sa northbound lane sa Buendia-Osmeña Flyover, bahagi ng Barangay San Antonio, Makati City, Sabado ng hapon.
Sa ulat ng Southern Police District (SPD), ang mga nasawi ay magka-angkas sa motorsiklo na kinilala sa alyas na “Jade”, 15-anyos; at “Rhecy”, 40-anyos.
Dakong alas-4:30 ng hapon ng Hunyo 14, 2025 nang maganap ang insidente sa nasabing flyover habang ang truck at motosiklo ay kapwa bumabagtas sa northbound lane na nagmula sa Arnaiz Avenue patungo sa Zobel Roxas St. nang mabundol ng truck ang kaliwang bahagi ng motorsiklo.
Nawalan ng balanse ang motorsiklo bunsod ng pagkabundol kaya bumagsak sa kalsada ang mag-ina at nasagasaan ng huling kanan na gulong ng truck ang katawan ng driver at ulo ng backrider na siya ng mga itong dagliang ikinamatay.
Isinailalim na sa kustodya na ng Makati Traffic Bureau ang driver ng truck, na sinasabing nagtuluy-tuloy sa pag-arangkada at naharang sa bahagi ng Maynila.
- Latest
