2 pang suspek sa Anson Que kidnap slay arestado
MANILA, Philippines — Timbog ang dalawa pang suspek sa pagdukot at pagpatay sa steel magnate na si Anson Que at driver nitong si Armanie Pabillo kahapon sa isla ng Boracay sa Malay, Aklan.
Ayon kay Philippine National Police (PNP) chief Gen. Rommel Francisco Marbil, sina Wenli Gong, ang babaeng Chinese na sinasabing mastermind at Wu Ja Ping ay naaresto sa isang high end resort bandang ala-1:54 ng hapon.
Matatandaang naglabas ng P5 milyon ang pamahalaan para sa ikadarakip ni Gong.
Ayon sa source nadakip ang dalawa sa loob mismo ng kuwarto ng resort.
Batay sa imbestigasyon, si Gong na kilala rin bilang Kelly Tan Lim, ang nagsilbi ring negosyador sa pagdukot kay Que.
Kontrolado rin ni Gong ang e-wallet na ginamit sa P200 million ransom money na binayad ng pamilya Que.
Bantay sarado rin ni Gong sina Que at Pabillo sa isang safehouse sa Mecauayan Bulacan kung saan ikinulong at saka pinatay ang mga ito.
Kinumpiska ng mga awtoridad ang cellphone ng mga suspek.
- Latest
