‘Di nagamit na campaign contributions, ideklara
BIR sa national, local candidates
MANILA, Philippines — Pinaalalahanan ng Bureau of Internal Revenue (BIR) ang lahat ng local at national candidates sa nagdaang eleksiyon na ideklara ang mga campaign funds na hindi nagamit.
Ayon kay BIR Commisioner Romeo Lumagui, wala silang nakikitang problema kung nais ng mga kandidato na itabi ang sobrang campaign funds hangga’t magbabayad ang mga ito ng kaukulang income tax.
Bago nagsimula ang kampanya noong Marso, inilatag na ng BIR ang mga regulasyon kabilang ang limang porsyentong creditable income tax sa mga gastos ng lahat ng mga kandidato.
Pagkatapos ng eleksiyon, ang mga kandidato ay inaatasang mag-file ng kanilang statement of contributions and expenditure.
Sakaling mabigo ang mga kandidato na gawin ito, papatawan ang mga ito ng parusa at maaaring kasuhan ng tax evasion.
- Latest
