‘Healing’, ‘reconciliation’ hangad ni Isko

MANILA, Philippines — “Healing” at “reconciliation” ang hangad ni ­Manila Mayor elect Isko Moreno matapos siyang iproklamang bagong alkalde ng Lungsod.

Sa panayam kay ­Moreno, sinabi nito na tapos na ang halalan at panahon na ng pagpapatawad.

Aminado si Moreno na maraming masasakit na salita ang naibato ng bawat isa sa kainitan ng kampanya subalit ito naman ang tamang panahon upang magkapatawaran.

Handa si Moreno, makipag-usap sa kampo ni Manila Mayor Honey Lacuna at maisantabi na ang anumang alitan. Aniya, mga Batang Maynila na ang maaapektuhan sa patuloy na bangayan.

Kasabay ng kanyang pasasalamat sa mga Batang Maynila, sinabi naman ni ­Moreno na itutuloy niya ang mga proyekto nabinbin upang mas mabigyan ng ­maayos na serbisyo ang mga taga-Maynila. Umaasa rin si Moreno ng maayos na transition.

Samantala, nangako naman si Vice Mayor elect Chi Atienza na susuportahan niya si ­Moreno at sisikapin mapag-isa ang city council para sa mas kapaki-pakinabang na mga proyekto.