33K pulis boboto sa local absentee voting - PNP
MANILA, Philippines — Tinatayang nasa 33,000 pulis ang boboto sa ilalim ng Local Absentee Voting para sa National and Local Elections 2025 ng Commission on Elections (Comelec) na isasagawa hanggang bukas Abril 30.
“We are not just enforcers of democracy — we are part of it. Voting is not only our right; it is our duty, and one way we show our love for our country,” ani Marbil.
Binigyan diin ni Marbil sa PNP ang kanilang karapatang bumoto sa kabila ng kanilang tungkulin.
Tiniyak din ni Marbil sa publiko na handa na sila sa pagbibigay ng seguridad at responde sa mga voting precints. Aniya, mas pinaigting na nila ang checkpoints, chokepoints, at pagpapatrol upang maiwasan ang anumang karahasan.
Sa katunayan, ilang pulis din ang nagsanay ng election duties bilang paghahanda sa mga hindi inaasahang insidente.
Ang Local Absentee Voting na tatagal hanggang bukas ay para sa mga police officers, soldiers, media workers, at iba pang frontline government workers na may trabaho sa araw ng halalan.
Suportado rin ng PNP ang “Kampanya Kontra Bigay” ng Commision on Election (COMELEC) Committee on Kontra Bigay (CKB) kasabay ng panawagan sa botante na maging alerto laban sa vote-buying at vote-selling.
- Latest
