DOTr, ikakalat K9 units sa MRT-3 at LRT stations
MANILA, Philippines — Mas maraming K9 units ang nakatakdang ikalat ng Department of Transportation (DOTr) sa mga istasyon ng Metro Rail Transit Line 3 (MRT-3) at Light Rail Transit (LRT).
Ang deployment ng mga K9 units ay kasunod ng pagtatanggal ng mga Xray scanners sa mga istasyon ng MRT-3 at LRT.
Una nang inutos ni DOTr Secretary Vince Dizon na tuluyan nang alisin sa mga istasyon ng tren ang mga Xray scanners upang makatulong sa pagpapaikli ng pila ng mga pasahero.
Nabatid na Sabado ng gabi nang inspeksyunin ni Dizon sa K9 Facility ng Philippine Coast Guard (PCG) sa Clark, Pampanga ang mga upang bomb-sniffing dogs, bago sila tuluyang i-deploy sa train stations.
Bukod naman sa pagpapakalat ng K9 dogs, magkakaroon na rin umano ang mga istasyon ng tren ng artificial intelligence (AI) enabled CCTV cameras, bilang bahagi ng pagsusumikap ng ahensiya na mabawasan ang pila ng mga pasahero nang hindi nalalagay sa alanganin ang kaligtasan at seguridad ng publiko.
- Latest
