Show cause order sa 17 kandidato inilabas ng Comelec vs vote-buying
MANILA, Philippines — Nasa 17 lokal na kandidato at isang partylist pa ang inisyuhan ng show cause order ng Commission on Elections (Comelec) nitong Biyernes at pinagpapaliwanag hinggil sa mga alegasyon ng vote-buying at abuse of state resources (ASR) bago ang May 12 midterm elections.
Kabilang sa mga nasa listahan ay sina re electionist Manila Mayor Honey Lacuna-Pangan; Marikina 2nd district Representative Stella Quimbo, na kumakandidato para sa pagka-mayor sa Marikina City, at ang kanyang asawang si Romero Quimbo, na naghahangad na bumalik sa House of Representatives at Sta. Rosa, Laguna Representative Dan Fernandez, na tumatakbo para sa pagka-gobernador ng Laguna.
Nasa listahan din sina Denver Chua - Cavite City mayoral candidate; Marvin Venus - Sangguniang Bayan member candidate sa Baras, Rizal ; Ruben Talon, Butch Suspeñe, at Zake Derequito - Sangguniang Bayan member candidates ng Dumangas, Iloilo; Zarah Rose Lara - Cagayan Province gubernatorial candidate; Allan Martine de Leon - Taytay, Rizal mayoral candidate; Kristofer Charles Esguerra - Sangguniang Bayan member candidate ng Taytay, Rizal; Erwin Pastrana - Mauban, Quezon Province mayoral candidate; Rhapsody Miguel Riveral - Sangguniang Bayan member candidate, 2nd district ng Cuartero, Capiz; Kamalayan Party-list; Rolen Paulino, Jr. - Olongapo City, Zambales mayoral candidate; Romulo Avila - Quezon Province vice mayoral candidate.
Una nang inisyuhan ng show cause order ng Comelec sina dating Manila Mayor Isko Moreno Domagoso at mayoralty bet Sam Verzosa.
- Latest
