Inciting to Sedition isinampa ng NBI vs Harry Roque, Maharlika

MANILA, Philippines — Ipinagharap ng kasong inciting to sedition ng National Bureau of Investigation (NBI) sina dating presidential spokesperson Harry Roque at vlogger na si Claire “Maharlika” Contreras kaugnay ng tinatawag na “polvoron” video.

Una nang sinabi ng NBI noong Hulyo 2024 na lumabas sa kanilang forensic analysis na hindi si Pangulong Ferdinand “Bongbong” Marcos Jr. ang lalaki na nakita sa video na gumagamit ng iligal na droga.

Bukod sa inciting to sedition, nahaharap din si Maharlika sa paglabag sa unlawful use of means of publication at unlawful utterances, cyberlibel, at computer related forgery.

Noong Abril 9, 2025 ay iniugnay ng vlogger na si Vicente Bencalo “Pebbles” Cunanan si Roque sa pagkalat ng “polvoron” video.

“We see this as a good opportunity for President Ferdinand Marcos, Jr. to once and for all personally disprove in the court of law the endless allegations of his cocaine use and addiction,”pahayag naman ni Roque.

Subalit ayon kay Roque, ang affidavit at testimonya ni Ms. Pebbles Talakaera sa pagdinig ng House of Representatives TriComm ay puno ng mga kasinungaligan at sabi-sabi.

“Inaamin ko ‘yan. The only defense I got is the truth. Hindi ‘yan defamatory. ‘Yan ay ginawa ni Bangag na suminghot siya, sumirit siya ng pu­ting-puti na pulbura,” sabi naman ni Maharlika sa Facebook live, at handa aniya, siyang harapin ang kaso sa korte.