CIDG nasabat P2 milyong yosi walang health warning labels

MANILA, Philippines — Nakumpiska ng Criminal Investigation and Detection Group (CIDG) ang sigarilyong nagkakahalaga ng P2.175 milyon na walang graphic health warning labels sa Davao City.

Batay sa report, nasamsam ng mga awtoridad ang 87 master cases ng iba’t ibang brand ng sigarilyo sa buy-bust operation sa isang dry goods trading store nitong Huwebes ng hapon.

Nadakip din ng mga awtoridad ang may-ari ng tindahan na residente ng Davao City at isang Chinese national na kinilala ng CIDG sa pangalang “Chen.”

Ang  paglalagay ng health warning labels ay isa sa mga  rekisitos sa ilalim ng Republic Act 10643 o ang Graphic Health Warning Law ang photographic at textual warnings para sa mga sigarilyo o tobacco product.