Tarpaulin ni Isko binaklas

MANILA, Philippines — Nagsisimula na umano ang ‘dirty tactics’ ng umano’y mga kalaban ni Manila mayoralty candidate Isko Moreno Domagoso matapos na makunan sa CCTV ang ilang  indibidwal na sakay ng motorsiklo na nagtatanggal ng mga tarpaulin nito.

Kalaban ni Moreno sa pagkandidatong pagka-mayor sina Manila Mayor Honey Lacuna at ang negosyanteng si Sam Verzosa.

Ayon sa residente na nakapanood sa CCTV, dapat na maging patas ang lahat nalalapit na  eleksiyon. Kung sabagay aniya, alam naman ng mga taga-Maynila kung sino ang kanilang napupusuan at karapat-dapat.

Itinuturo namang responsable sa pagtatanggal ng tarpaulin ang mga nagngangalang “Onat”, “Boroboy” at “Gerome” na kaalyado ng isang  kandidato.

Nanawagan naman ng imbestigasyon ang kampo ni Isko.