Kandidata ng Las Piñas sa beauty pageants, susuportahan ng LGU
MANILA, Philippines — Ilang kinatawan ng Las Piñas City na nakatakdang lumaban sa Mutya ng Pilipinas 2024 at Miss Tourism Heritage 2024 pageants ang nag-courtesy visit kay City Mayor Imelda Aguilar na nagpahayag ng kanyang suporta ng nakalipas na linggo sa Las Piñas City Hall.
Ang mga beauty queen ay malugod na tinanggap ni Mayor Aguilar, na nagpahayag ng kanyang suporta at best wishes para sa mga kandidato habang naghahanda silang ipakita ang puri at kagandahan ng Las Piñas sa pambansang entablado.
Sa kanilang pagbisita, tinalakay ng mga kinatawan ang kanilang nalalapit na kompetisyon at tumanggap ng mga token of appreciation mula sa alkalde.
Itinampok ng pulong ang patuloy na dedikasyon ng lungsod sa pagsuporta sa mga kabataang babae na nagpapakita ng kagandahan, katalinuhan, at pamana ng kultura. Nakatakdang ipagmalaki ng mga kinatawan ang Las Piñas sa kanilang laban para sa mga prestihiyosong pambansang titulo.
- Latest
