MANILA, Philippines - Isang pedicab driver ang nasawi nang pagbaÂbarilin ito ng dalawang kalalakihan na naka-motorÂcycle riding-in-tandem kamakalawa ng gabi sa Malabon City.
Namatay noon din ang biktimang si Arnesto San Juan, 32, taga-Brgy. San Roque, Navotas City.
Nagsasagawa pa ng follow-up ang mga pulis laban sa dalawang hindi pa nakikilalang suspect.
Lumalabas sa pagsisiyasat ng pulisya, naganap ang insidente alas-10:30 ng gabi sa Naval Extension St. , Brgy. Baritan, Malabon City.
Nakaupo ang biktima sa naturang lugar nang biglang dumating ang mga suspect na magka-angkas sa motorsiklo at walang sabi-sabing pinagbabaril ang biktima na naging sanhi ng agaran nitong kamatayan.
Matapos ang insidente ay mabilis na tumakas ang mga suspect at nagsasagawa pa ng imbestigasyon sa naturang insidente.