Lady vlogger pumasok sa freezer ng Alfamart

MANILA, Philippines — Determinado ang pangasiwaan ng Alfamart Convenience Store na gumawa ng aksiyong legal o panagutin ang isang lady vlogger na pumasok at humiga sa kanilang freezer para lamang sa “cool content” nito.

Ang nasabing video ng lady vlogger ay nag-viral sa social media at umani ng kaliwa’t kanang pagbatikos.

Sa mga nakapanood sa viral video hindi mawari ng mga netizens kung anong pumasok sa sentido kumon ng lady vlogger at pumasok saka humiga pa ito habang nakangisi sa freezer na pinaglalagyan ng yelo at iba pang frozen foods ng Alfamart.

“This is to address the videos  and photos circulating on social media that depicts the unauthorized and harmful use of our store equiptment. Alfamart takes this very seriously and we have launced a thorough investigation into the matter,” saad ng Alfamart sa isang ‘Important Notice“ na ipinoste nito sa social media.

Hindi na tinukoy ng Alfamart kung saang sangay ng kanilang mga convenience store nangyari ang insidente.

“Please understand that we are compelled to pursue legal action against those responsible for the improper use of our store equiptment, pahayag ng Alfamart na binalaan din ang iba pang mga vlogger na magtatangka na gumawa ng ‘cool content para makakuha ng ‘likes’ at ‘views ‘ sa social media.

Matapos madiskubre ang ­insidente, sinabi ng Alfamart na lahat ng mga panindang yelo at iba pa ay tinanggal na habang ang freezer ay nilinis at nai-sanitize dahil sa ­posibleng kontaminasyon.