First Family nagbigay pugay kay PBBM sa Father’s Day
MANILA, Philippines — Nagbigay pugay at mga papuri kay Pangulong Ferdinand R. Marcos Jr. ang kanyang asawa at mga anak sa pagdiriwang ng Father’s Day kahapon.
Pare-parehong nagbahagi ng pagbati at nakakaantig na papuri para sa Pangulo sina First Lady Liza Araneta-Marcos at presidential sons William Vincent (Vinny), Joseph Simon, at Ilocos Norte 1st District Rep. Ferdinand Alexander (Sandro) Marcos sa social media.
Ibinahagi ni First Lady Liza Marcos ang collage ng mga larawan ng Pangulo bilang ama.
“You’re not just an amazing dad - you’re the heart of our home,” anang First Lady patungkol sa Pangulo.
“Thanks for being the calm in our chaos and the king of our castle [even if I’m still the Queen],” dagdag ng Unang Ginang.
Sa isang video post, sinabi ni Vinny na ang kanilang ama ay nagsasabi ng limang wika ng pag-ibig: Acts of service, gift-giving, words of affirmation, physical touch at quality time.
Ibinahagi rin ni Vinny ang aral sa buhay na higit na tumatak sa kanya. “My dad always told me, pikon, talo. So don’t let other people’s emotions get in the way of what you’re trying to do and what you believe in,” ani Vinny.
Tinawag naman ni Simon ang Pangulo na: “the best possible father.” “Thank you so much for being there. I couldn’t have gone anywhere without you… I hope you are having the best Father’s Day possible. Love you to bits,” ani Simon.
Nagpasalamat naman si Rep. Marcos sa ama dahil sa pagiging “constant guide” at mentor niya.
“I couldn’t ask for a better dad. I couldn’t ask for a better mentor… Love you, Pop,” dagdag ng kongresista.
- Latest
