78 porsyentong Pinoy nais humarap si VP Duterte sa trial
MANILA, Philippines — Karamihan sa mga Pinoy ang naniniwalang dapat na harapin ni Vice President Sara Duterte ang impeachment trial na isasagawa ng Senado laban sa kanya.
Base sa Tugon ng Masa (TNM) survey na inilabas ng OCTA Research Group, lumilitaw na 78% ng mga Pinoy ang nais na harapin ni VP Sara ang mga kasong isinampa laban sa kanya at linisin ang kanyang pangalan.
Nasa 13% lamang ng mga respondents ang hindi sumang-ayon habang nasa 9% ang hindi alam ang isasagot o walang tugon hinggil dito.
“These findings reflect strong public support for accountability and due process in addressing the allegations against the Vice President,” anang OCTA.
Ang non-commissioned survey ay isinagawa mula Abril 20 hanggang 24, sa pamamagitan ng face-to-face interviews at nilahukan ng 1,200 respondents na nagkakaedad ng 18 taong gulang at pataas.
Mayroon itong margin of error na ±3% na nasa 95% confidence level.
Anang OCTA, “Subnational estimates for the geographic areas covered in the survey have the following margins of error at a 95% confidence level: ±6% for Metro Manila, Balance Luzon, Visayas, and Mindanao.”
- Latest
