Suspension orders vs proklamasyon ng 19 kandidato inilabas ng Comelec

MANILA, Philippines — Nasa 19 na kandidato ang hindi muna maipoproklama ng Commission on Elections ­(Comelec) kahit pa itanghal na ­nanalo sa katatapos na May 12 midterm polls.

Ito’y kasunod na rin ng suspension orders na inisyu ng Comelec en banc laban sa kanilang proklamasyon na may ­kinalaman sa ­kinakaharap nilang disqualification cases sa poll body.

Base sa mga dokumentong isinapubliko ng Comelec en banc kahapon, nabatid na kabilang sa mga naturang kandidato ay ang Pilipinas Babangon Muli (PBBM) party-list; Marikina congressional bet at outgoing mayor Marcelino Teodoro; Pasig City congressional bet Christian Sia; Panglima Sugala, Tawi-tawi mayoralty bet Fatima Mersa Sali Salih; at Panglima Estino, Sulu mayoralty bet Belshezzar Abubakar.

Kasama rin sa ­inisyuhan ng suspension ­orders sina Camarines Sur gubernatorial candidate Ronald ­Alarkon ­Rodriguez; Quezon ­province congressional bet Matt Erwin Florido; Aurora province vice gubernatorial bets Gerardo Angala Noveras at Christine Marie Noveras; ­Manila Sangguniang Panglungsod member bet Darwin Sia; Sultan Duma­longdong, Lanao del Sur ­mayoralty bet Aquino Romato; Reina Mercedes, Isabela vice mayoralty bet Jeryll Harold Respicio; at ­Lagangilang, Abra Sangguniang Bayan member bet Menardo Buenafe.

Hindi rin ­maaaring maiproklama kung ­manalo sa halalan sina Aurora Province ­gubernatorial bet Christian Noveras; ­Malabon City ­Sangguniang ­Panglungsod member bet James Macasero; Cataingan, Masbate mayo­ralty bet Ricardo Yanson; Camarines Sur congressional bet Philip Paul Fortuno; Shariff Aguak, ­Maguindanao del Sur Sangguniang Bayan bet Dani Mando; at ­Shariff Aguak, Maguindanao del Sur ­mayoralty bet Mando Taha.

Kaugnay nito, sinabi ni Comelec Chair George Erwin Garcia na maaa­ring madagdagan pa ang naturang listahan.

“Pinag-aaralan ng Division kung ilan ang idaragdag pa,” aniya.

“Hindi naka-depende ang pagkilos namin kung nananalo o natatalo… Even if on the assumption na nanalo ang dapat i-disqualify, hindi ‘yun ang basehan namin. Ang ­basehan pa rin namin ‘yung records kung meritorious ba ang kaso o hindi,” anang poll chief.