Pinoy festival sa Canada inararo ng SUV: 9 patay!
MANILA, Philippines — Siyam na katao ang nasawi matapos araruhin ng isang sport utility vehicle (SUV) ang selebrasyon ng Lapu-Lapu Day festival nitong Sabado ng gabi sa Vancouver, Canada.
Ayon sa ulat, katatapos lang ni Apl.de.ap ng Black Eyed Peas sa kanyang performance nang mangyari ang insidente.
Sinabi ni Cliff Belgica ng United Filipino Canadian Associations in British Columbia (UFCABC) na patapos na ang festival at maraming nakapilang mga tao sa mga food trucks sa kahabaan ng block nang araruhin ng sasakyan ang 41st Avenue malapit sa Fraser Street.
Sa post ng Vancouver Police sa X, ang driver na 30-anyos na lalaki ay nasa kustodiya na ng pulisya.
Hindi pa umano inilalabas ng pulisya sa Vancouver kung ilan ang bilang ng mga nasugatan sa nasabing insidente maging ang motibo ng driver.
“There were bodies on the street. They were run over. Some were already dead on the spot,” ayon sa isang saksi.
Sinabi ni Vancouver Mayor Ken Sim na ginugunita sa pagdiriwang ang Lapu-Lapu Day nang mangyari ang trahedya.
“Our thoughts are with all those affected and with Vancouver’s Filipino community during this incredibly difficult time,” pahayag ni Sim.
- Latest
