SSS: Text messages sa benepisyo, kontribusyon peke
MANILA, Philippines — Binalaan ng pamunuan ng Social Security System (SSS) ang mga miyembro at publiko na maging mapanuri sa mga natatanggap na text message mula sa mga hinihinalang indibidwal na nagpapakilalang tauhan ng SSS at nangangakong makakatanggap ito ng insentibo kapag nag-access sa link na ibibigay nito.
Ang babala ay ginawa ni SSS Senior Vice President for Member Services and Support Group Normita M. Doctor makaraang makatanggap ng mga reklamo mula sa mga SSS members na nakakatanggap ng text alert tungkol sa benefit claims, expiring contribution payments, o My.SSS registration na humihimok na mag-click sa isang link.
“Do not click the link in the message of these fake text alerts. It will lead to a phishing site that will steal personal information such as SS numbers and login credentials from My.SSS account,” sabi ni Doctor.
Anya, ang isang SSS member ay madaliang malalaman kung scam ang matatanggap na text alert oras na suriin ang sender nito.
“The SMS sender should be “SSS” and the official SSS website is www.sss.gov.ph. If it is an unidentified mobile number, it is a text message from scammers purposely sent to deceive its receiver. Our SSS Special Investigation Department (SID) has already probed the incidents. We also submitted a Text Scam Complaint containing these fake text alerts to the National Telecommunications Commission (NTC) to help the government fight scam text messages,” sabi pa ni Doctor.
Pinaalalahanan din nito ang mga miyembro na huwag ipamimigay ang kanilang SS number, usernames, passwords at iba pang login details ng kanilang My.SSS account sa hinihinalang mga scammers.
Kung nabiktima ng scammers ay agad magreport sa Philippine National Police’s Anti-Cybercrime Group at National Bureau of Investigation’s Cybercrime Division.
- Latest
