Pagbibitiw ng SRA chief, kinumpirma ng Palasyo
MANILA, Philippines — Kinumpirma ng Presidential Communications Office (PCO) na nagbitiw na sa puwesto si Sugar Regulation Administration Administrator David John Thaddeus Alba.
Sinabi ng PCO, na bumisita si Alba kay Executive Secretary Lucas Bersamin noong Martes, Marso 21 para ihayag ang desisyon na magbitiw sa puwesto dahil sa kalusugan.
Nakiusap pa umano si Bersamin kay Alba na huwag ituloy ang pagbibitiw sa puwesto subalit bigo ang kalihim.
“Administrator David John Thaddeus Alba visited ES Lucas Bersamin last Wednesday informing him of his decision to resign. ES Lucas Bersamin persuaded him not to, but he reasoned his worsening health condition,” pahayag ng PCO.
Magiging epektibo umano ang resignation ni Alba sa Abril 15 para makapaghanda naman sa itatalagang kapalit niya.
“Upon the directive of the President, his resignation will be effective on April 15 to prepare the appointment of his replacement,” pahayag ng PCO.
- Latest
