Sabrina M. umaasang matutulad kina CJ, Mystica at Rhed

MANILA, Philippines — Matagal-tagal na rin namang gumagawa ng drama series si Rowell Santiago, pero mukhang napasubo siya sa seryeng FPJ’s Ang Probinsyano.

Nang mamatay ang kanyang asawa sa nasabing serye na si Dawn Zulueta at tatlong anak na sina Ryza Cenon, Francis Magundayao at Heart Ramos, hagulgol to the max ang aktor. Sa seryeng ito rin naranasan ni Ro­well ang magpatakbu-takbo para makatakas sa grupong Vendetta.

Ganunpaman, kahit nahihi­rapan, masaya pa rin daw ang aktor dahil kilala na siya ng mga tao bilang Presidente.

Samantala, pagkatapos matulungan ni Coco Martin sina CJ Ramos, Mystica at Rhed Bustamante, may isa pang artista ang humihingi ng tulong sa kanya. Ang dating aktres na si Sabrina M.

Tulad ni CJ, na-involved din sa droga ang nasabing aktres pero ngayon ay nakalaya na. Umaasa siyang matutulungan din siya ni Coco at nangako namang magbabagong buhay na.

Sexbomb girls nakasayaw uli sa Bulaga

Wala talagang kupas ang Sexbomb Girls, umani sila ng masigabong palakpakan mula sa kanilang mga tagahanga nang mag-guest sila sa Eat Bulaga.

Halatang nanabik ang mga manonood na muli silang makitang sumasayaw sa stage ng EB.

Present doon ang members na sina Jopay Paguia, Mia Pangyarihan, Louise Bolton, Mae Acosta, Grace Nera at Aira Bermudez.

Inimbita silang mag-guest ng kanilang mga tatay-tatayan noon na nagbigay ng break sa kanila, sina Vic Sotto at Joey de Leon.

Gladys ‘di na makapagtaray kay Sunshine

Nakadagdag saya sa Inday Will Always Love You si Sunshine Dizon, hindi na tuloy makaporma si Gladys Reyes na palaging nagrereyna-reynahan sa buhay ni Barbie Forteza. Tampok din si Ruru M­adrid bilang lover boy ni Barbie kahit nandyan pa si Derrick Monasterio.

Maganda ang ganitong istilo ng Kapuso, nagdadagdag din sila ng characters at nakakatulong sa mga artistang walang project. Besides, uso na ngayon mga seryeng maramihan mga itinatampok na artista.

Maligayang Kaarawan!

Birthday greetings sa September born celebrants: Julia Clarete, Francine Prieto, Janet Bordon, Denise Laurel, Jay Sonza, Erich Gonzales, Direk Joel Lamangan, Jerry Olea, Mildred Bacod, Danny Vivas, Linda Magno, Linda Lacsina, Zeny Flores, Chit Ramos, Lara Melissa de Leon, Janno Gibbs, Diole Sungcang of Toronto, Canada.