Flocerfida (24)
“TALAGANG ayaw mo nang may makaulayaw sa gabi, Kikoy?” tanong ni Makoy na medyo tinatalaban na ng alak.
“Hindi naman—pero siguro magtatagal pa bago ako humanap ng makakasama sa buhay. At saka siguro, baka totoo na ang hanapin ko—yung pakakasalan ko ba.”
“Bakit yung nauna, hindi ka seryoso?’’
“Oo. Binola-bola ko lang kasi sa ininuman kong KTV e kumabit na. Ayun, ako ang binola sa dakong huli.”
Napahagalpak ng tawa si Makoy.
“Ikaw ang binola-bola, ha-ha-ha!”
“Oo Makoy pero mabuti na rin ang nangyari at nagkaroon ako ng aral. Malaking leksiyon ang nakuha ko.”
“May mga magulang ka pa, Kikoy?’’
“Wala na.”
“Kapatid?’’
“Meron—isa—pero nasa ibang bansa. Hindi na umuuwi rito.”
“Talaga palang solo-solo kang namumuhay.”
“Oo.”
Maya-maya, lumapit ang misis ni Makoy na si Fe. May dalang pulutan na nasa plato.
“O magpulutan kayo—sisig.”
“Salamat Fe,’’ sabi ni Kikoy.
“Mabait ang misis kong ‘yan, Kikoy. Suwerte ako. At ang husay maghawak ng pera. Lahat nang pinadadala ko, hindi nasasayang—malaki ang naitatabi.”
“Suwerte mo talaga Kikoy.”
“Kaya ang pinaghirapan ko sa Saudi nang matagal na panahon, nakita ko ang bunga.”
“Maiba ako ng usapan, Kikoy. Ang mga kasamahan natin sa Saudi, naroon pa ba sila?”
“Wala na. Ang iba namatay na!”
(Itutuloy)
- Latest
