Asong skateboarder, nakapagtala ng Guinness World Record!

ISANG asong may kakaibang talento ang pumukaw sa atensiyon ng publiko matapos nitong makapagtala ng Guinness World Record sa skateboarding!

Si Coda, isang cocker spaniel mula sa Japan, ay dumaan sa ilalim ng mga binti ng 40 katao habang sakay ng skateboard. Ang record-breaking na tagpo ay naganap sa set ng Italian TV show na Lo Show Dei Record.

Tinalo ni Coda ang ­dating rekord na 33 katao, na itinakda ng isa ring aso mula Japan na si Dai Chun noong 2017.

Ang may-ari at tagapagsanay ni Coda na si Satomi Asano ay isang professional dog trainer.

Layunin niyang sanayin ang mga alagang aso gamit ang positibong pag-uugali at iwasan ang anumang parusa o negative ­reinforcement sa training.

Patunay si Coda na hindi lang tao ang ­kayang magpasikat sa mundo ng extreme sports dahil kahit mga aso ay may ibubuga rin!