Bangkay ng 34 missing sabungeros pinapasisid ng DOJ sa Taal Lake
MANILA, Philippines — Nakahanda si Justice Secretary Crispin Remulla na magpadala ng tactical divers sa Taal Lake para makumpirma kung totoo nga doon inilibing ang bangkay ng 34 missing sabungeros.
Maging si Philippine National Police (PNP) Chief PGen. Nicolas Torre III ay handang pangunahan ang paghahanap sa bangkay ng mga nawawalang sabungero na may apat taong nang nawawala.
Ayon kay PNP Spokesperson PBGen. Jean Fajardo na gagamitin nila ang mga naging pahayag at rebelasyon ng itinuturing na state witness at whistle blower na si alyas “Totoy” upang muling maumpisahan ang imbestigasyon sa pagkawala ng mga sabungero.
Aniya, maituturing na isang malaking development ang mga pahayag na ito ni alyas ‘Totoy’ para agad na maresolba at mabigyan ng hustisya ang mga sabungero maging ang mga pamilya nito.
Bagamat isang malaking breakthrough sa kaso ang rebelasyon, nanatiling isang malaking hamon para sa PNP ang paghahanap sa mga labi ng mga sabungero lalo na’t nasa 34 na mga bangkay ang nakatakda nilang hanapin sa malawak at malalim na Taal Lake.
- Latest
