Pondo ng libong senior citizens nasimot sa ‘scammer’ na lending firms

MANILA, Philippines — Libu-libong senior citizens umano ang nasisimot ang pondo matapos mabiktima ng ilang mga tiwaling lending firms  sa bansa.

Ito ang ibinulgar ni Senior Citizens Partylist Rep. Rodolfo“Ompong” Ordanes na nanawagan na sa Securities and Exchange Commission (SEC) na ipasara ang mga tiwaling lending firms .

Sinabi ni Ordanes na kailangang ipatupad ng SEC ang Anti-Financial Account Scamming Act at ang   Anti-Cybercrime Law para ipasara ang mga tiwaling lending firms na nambibiktima ng mga senior citizens.

Inihayag ni Ordanes na ang nasabing mga kumpanya kahit na pawalang bisa pa ang SEC certificates ay nangangamba siyang hindi mahinto ang illegal na aktibidades sa mga siyudad at bayan kaya dapat kumilos din ang mga law enforcement agencies.