Presumptive Senator Erwin Tulfo, handang makatrabaho ang mga senador mula sa ibang partido

MANILA, Philippines — Ipinahayag ni ­Erwin Tulfo, isa sa mga inaasahang mananalo sa ­Senado, ang kanyang kagustuhan na ­makipagkaisa sa mga ­kasalukuyang ­Senador at mga kapwa niya ­senator elects, saan man sila nanggaling. ­“Pagod na ang mga Pilipino sa mga away-politika. Ang dapat na makita nila ay ‘yung nagkakaisang mga ­senador, mga lingkod-bayan. Kaya iyan ang una kong ­gagawin kapag ako ay maupo sa Senado: kausapin ang bawat hanay, pahayag ni Tulfo.

Ang sentimyentong ito ni Tulfo ay bunsod ng kasalukuyang ­standing niya sa halalan na ­bilang kandidato ng Alyansa para sa Bagong ­Pilipinas ay kasama ang mga ­pambato ng PDP-Laban at oposisyon sa Top 6 ng Senado.

Ang mambabatas at consistent na ­frontrunner sa senate race ay ­naghayag din ng kanyang plano na tumutok na sa mga kailangang gawin sa trabaho sa Senado.

Maliban sa ­pagkakaisa sa Senado, plano rin ni Tulfo na magsulong ng mga panukalang batas para sa maayos na ­sahod ng mga barangay officials and workers, pag-amyenda sa Rice Tariffication Law at budget ng edukasyon, partikular sa mga nakalaan para sa mga klasrum, paglalagay ng sapat na gamot at gamit sa mga ospital, pagsasabatas ng ­Sustainable Livelihood Program, at pagpapalakas ng suporta at proteksyon sa mga Overseas Filipino ­Workers.