Karapatan ng manggagawa sa pagsalubong ng Labor Day 2025

MANILA, Philippines — Sa paglapit ng pagdiriwang ng Araw ng Paggawa sa Mayo 1, muling iginiit ng TRABAHO Partylist ang kanilang matibay na paninindigan sa pagtataguyod ng kapakanan ng mga manggagawang Pilipino.

Binigyang-diin ng partylist, bilang 106 sa balota, ang kahalagahan ng pagkakaroon ng pangmatagalang trabaho, makatarungang sahod, at mas pinahusay na proteksyon para sa mga manggagawa.

Kaugnay ng ­anunsyo ng Department of Labor and Employment (DOLE) na may 37,000 job vacancies sa 63 job fairs na gaganapin sa buong bansa, positibong tinanggap ito ng ­TRABAHO Partylist bilang hakbang upang mapababa ang antas ng kawalan ng trabaho.

“Hindi lang ito ­tungkol sa rami ng trabahong iniaalok; dapat tiyakin na ang mga ito ay may makatarungang pasahod, seguridad sa trabaho, at pagkakataong umunlad,” pahayag ni Atty. Mitchell-David L. Espiritu, tagapagsalita ng TRABAHO Partylist.

Batay sa pinakahuling survey ng Social Weather Stations (SWS), 89% ng mga Pilipino ang sumusuporta sa mga platapormang nakatuon sa paglikha ng trabaho, isang pangunahing adbokasiya ng TRABAHO Partylist.