Termino ni PNP Chief Marbil, pinalawig
MANILA, Philippines — Pinalawig ni Pangulong Ferdinand Marcos Jr. ang termino ni Philippine National Police Chief Pol. Gen. Rommel Francisco Marbil ng apat na buwan, epektibo sa February 7, 2025, ang araw ng kaniyang pagreretiro.
Batay sa memorandum order na may petsang February 4, 2025 na pirmado ni Executive Secretary Lucas Bersamin, inaprubahan ng Pangulo ang extension sa serbisyo ni Marbil na nakatakda sanang magretiro nitong Biyernes sa edad na 56.
Ang memorandum order ay ibinibigay ng Palasyo kay Department of Interior and Local Government Secretary Juanito Victor Remulla.
Naunang inihayag ng Pangulo na naabutan ng panahon ng kampanya ang pagreretiro ni Marbil kaya pinalawig ang kaniyang termino upang magtuluy-tuloy ang operasyon ng PNP at maging maayos ang pagpapanatili ng kapayapaan at kaayusan hanggang sa matapos ang eleksyon.
- Latest
